قصيدة له بعد احدى مغازيه - جهز بن شرار

رفيقنا اللي نسنحه بالغزيه
الشين والله ما نويناه بالشين

يقصنا كنا رويعي مطيه
يبي ركايبنا وحنا معيين

عية علينا العزوه العبدليه
عبادل سور الحرايب ومضحين

الخيل نوطيها الحزوم الحفيه
واقفت بعيال الحمايل مطيعين

اخوان نوره شافوا المكرهيه
واقفوا على قب سوات الشياهين

ما ذمهم والله رقيب عليّه
معين الله والخلايق معيين

خلو عذاب الفاطر الشوشليه
قاسم عقيد اقطاع بدو منيسين

وخلو ريف الضيف والأهليه
ريف الضيوف اللي على الزاد شفقين

© 2024 - موقع الشعر