الطريق

ماهقيت ان الطريق اللي مشيته مايودي
لين شفت الموت يدني والليالي سرمديّه

الهموم أثقل حمولي والجروح اعمال يدي
والحبايب مالفوني يوم وقتي خان فيّه

اتعس اللحظات عندي وقفت المحبوب ضدي
شينها لامن هقيت وصارت الهقوه رديّه

حزن .شرهه.هم.ضيقه .حايرٍ مدري شبدي
والفرح قفى عن عيوني ولا خلا بقيّه

اتوجد.اشتكي. ابكي. ابيّح كل سدي
البشر ما همها حزني ولو تبكي عليّه

بنت انا ما اعرف اهايط مثلهم احكي بقدي
وان تحدوني تبي تقصر ايديهم عن يديّه

يوم شفتك ماوصلتك تحسبين انه ابودي
بيني وبينك علومٍ ناويتني بألف نيّه

مابغيت اعكرالصافي وأشعللها تحدّي
كلها من شانك انتي يابعد ماكان ليّه

انتي احلا شي عندي يابعد مزحي وجدي
فيك اشوف ان الفرح شمسه لحد الحين حيّه

عدي الخطوات مابيني وبينك ثم عدي
كم مره لك وفيت وكم تحملت الاسيّه

وش لك بهرجي مادام ان الوفا والحب مدي
خلي اعلومي اتسولف عن شقى الليل وخويّه

والله ان الحب حبي والكلام الزين ردي
ليه لامني عملت الصح يكتبلي خطيّه

ما في اذني ماي بمشي لو جميع الخلق ضدي
اما انا بوصل مرادي أو عساني للمنيّه