ملهمة فكري

انا اشهد انك ساكنه وسط روحي
متمكنه .. متربعه داخل حْشااااي

كنت أحلف إني بالمحبه مابوحي
يومي عرفتك بحت للرايح .. الجاي

ياملهمة فكري وياوجد بوحي
ياكتلة محبك ويامهجة رضاي

يا أخت الظبي شارد ووجهٍ صبوحي
أنتي وش أنتي لا تلعثمت بحكاي؟

أنتي ملاك الأرض وإحساس نوحي
انتي بذمة شاعرك جملة إدواي

إنتي حنان الود .. ضمد الجروحي
أنتي غلا قلبي ونبضه ومرساي

أنتي لا هنتي كل كلّي طموحي
أنتي خيالي لا تخطيّت بخطاي

أنا أشهد إن قلبي لشوفك شحوحي
يحقلك لانّك على الحب مبداي

لا ناحت الورقا بحبّك أنوحي
وأجيك أنا كلّي من أدناي لقصاي

لانك هنا بالقلب في وسط روحي
وما تختلف من بيننا جملة الراي