لا بالحراام - جارالله الشدي

إن كان قصدك تعرف بيوم قدرك
في قلب شاعر بالملايين شاريك

لا صرت واحد والملايين حدرك
إبذمتك ماهي كفايه وتكْفيك؟

وإن ما كفت كل القوافي بأمرك
تامر حبيبي .. جعل ربي يخليك

أشعل بها شوق المحبه بصدرك
وإن قلت أحبك لا دواعي أوصيك

أنا دخيل العين وأعطاف خصرك
وأنا دخيل القد وسلهام عينيك

أحب أنا كذبك وصدك وهجرك
والعنفوان اللي غدا من مواريك

وأحب أنا .. أحب أنا آآآه غدرك
وأحب أنا .. إلاّ أنا حب يفديك

تدري حبيبي؟ لجلك اليوم بترك
إمعاتبي وآعيش كلّي بطاريك

يعني أحبك إيه أحبك وأشرك
حب الغلا..حب العتب دون تشكيك

لا بالحرام إني أحبك بكبرك
خيرك وشرك ياعسى بس يرضيك

© 2024 - موقع الشعر