ودي أكلم حضرتك - جابر بن حوبان

ودي أكلم حضرتك لا لقيتك
بس الخجل يغلب عليّ واتردد

اهل دمعي يالغضي لا رأيتك
والله على ما أقول يا زين يشهد

أفز من حلو الكرى لا طريتك
وحتى منامي سار كلّه تجلد

طلبت قلبي يالغضي ثم عطيتك
والدم عندي في عروقي تجمد

لو ميتي وسط القبر مانسيتك
وحبك معي يا زين يبقى مخلد

حبك جبرني لين حتى وجيتك
والضغط عندي قام ينزل ويصعد

خليت أنا كل البشر ثم نصيتك
ومعزتك عندي ترى مالها حد

يستنكر العالم إلى من جفيتك
وحتى البحر وقف عن الجزر والمد

© 2024 - موقع الشعر