نـقوة الـهـجن

ياراكب اللي ما يداني الصفيري
هميلع(ن) من نقوة الهجن سرساح

أمه نعامة واضربوها بعيري
جا مشبهاني على خفّ وجناح

عليه خرج(ن) من سلوك الحريري
وسفايفه مثل الغرابين طفاح

يسرح من الطايف ويمسي البصيري
والسوق والبصرة دهجهن بمرواح

مزهبك ياراعيه تمر ومضيري
واحذر تشبّ النار يجفل من الضاح

والى ورد يشرب ثمانين بيري
ويشرب براسه من على جمّة رماح

ياويش هو شي(ن) طويل(ن) قصيري
يسبق زعاجيل الهوا يوم تنداح