استمع للعلم - تركي الديحاني

استمع للعلم وافهم ياحمود
دام تنشدني ابعطيك اعتراف

السبب واضح ولايبقى شهود
والعيون تشوف شيٍ مايشاف

ماهي بلحية شعر يبن الفهود
لوها بالشعر ماقلت الخفاف

اعجب الشعار والصيت امحمود
شاعرٍ واجيدها معنى وقاف

وارتفع بالشعر واحب الصعود
بس يالغالي ترى فيه اختلاف !

لو انا المكتوم والا ال السعود
ماعلي ولا على شعري خلاف!!

وقتها لو قلت ياداده يادود
صورتي واسمي على كل الغلاف!!

شاعرٍ يبدع ولا عنده نفود
ليه يقطف كل ماحل القطاف ؟

هاااه ! وشرايك اكمل ياحمود
طاف ! يالله مثل رايك طاف طاف

© 2024 - موقع الشعر