الصراحه...

ياصاحبي ماقلتلي وش علتك
افنيت حالي والسبب صراحتك

الى متى وانا احترق في ملتك
مالي جدا لاصرت من ذباحتك

مغير اداري واتحرى طلتك
وادرج الخطوه وحدي ساحتك

والنفس لو تبطي ترى ماملتك
بدري على الايام في ايزاحتك

اشتاق ترحالك وعشقي حلتك
وزودٍ على هذا ابصميمي ناحتك

القلب مدهالك وروحي فلتك
البيت بيتك ( ياحلو خذ راحتك)

ودوك فنجالي وصب من دلتك
ابشربه بس مطلبي سماحتك

خل العبط انا اعرف اجبلتك
ابك انت فاهمني بلا تناحتك

سقطت في قلبي وروحي خلتك
اول غلا ماهمها دواحتك

ادمح لي الزله اعتبرها زلتك
واشطب على طبشورتي مساحتك

واكتبلي امسامح على مجلتك
اروح فدوه والسبب فصاحتك

وابيك مثل اول وتترك شلتك
الشله اللي بالخفا فضاحتك

يومك تجي تفاحتك في سلتك
واحترت بين اخدودك و تفاحتك

كلك حلا وقصايدي استقلتك
الهامها محدود في مساحتك

محبتي يابو الحلا محتلتك
والنفس لو زدت الجفا ماباحتك

ياصاحبي كاان الصراحه علتك
مات الغلا كله سبب صراحتك