اصحاب لكن فرقتنا المقادير! - دلان بن مساعد

اصحاب لكن فرقتنا المقادير
حنا انتغير ../ والظروف اتغيّر!

نكبر ويكبر همنا دون تبرير!
وهمومنا فالوقت .. ( طب وتخيّر!)

نمشي ولكن حظنا يعكس السير
والعبد .. / امره بيد ربه مسيّر

والطيب يبقاله مع الناس تأثير
والا الردى ذله وكلٍ مخيّير

 اما على العليا نسوق التباشير
والا على الرمضه وفكر متحيّر

هذا يسمى ناقص بكل تعبير
اللي عن فعول الرجال متذيّر

انا خويي راعي الطيب بالخير
الصاحب اللي بالمواقيف خيّر

لكن تال الوقت شفنا المقادير
حنا انتغيّر ../ والظروف اتغيّر!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر