ليه نهواها الفضايح ليه سمعتنا جريحه
ليه بين الناس احنا للفضايح دارسين
بعضنا يسعى ايتعلم في مدارس للفضيحه
والنتيجه بالنهايه هدر عرض المسلمين
هذا يتباهى بفعله يعلن اقواله الفصيحه
متعته يوم البنّيه توقع ابوسط الكمين
وهذي راحت للمكايد تفشي السر وتبيحه
لجل ترمي في شبكها خايبن حظه حزين
كل ماجيت اتصفح القى كم بنتن طريحه
قد نهش ذيب المصايب عرضها واندى الجبين
والا بالبرواز القى شاب له صوره قبيحه
صار بالتمثيل تيسن مثلوبه الحاقدين
لي متى ياشعب نرضى بالغلط وابنستبيحه
لي متى يبقى التخلف رمزنا ياجاهلين
حولنا العالم مواكب تسعى بالليل وصبيحه
تسبح افبحر المعارف من دررها صايدين
واحنا اول مانتمنى تشتعل فينا القريحه
ماهو لجل العالم لا لا لجل نصبح ظالمين
والله ياربعي خذوها غاليه مني نصيحه
عمره ماكان التطور كشف ستر المحصنين
كل من همه الفضايح يرغب ابعز ومديحه
بكره وحده وسط قبره والعمل ومحاسبين
وقتها بيشوف فعله ..وكل اقواله الفصيحه
والله اكبر يوم يعرض بمر رب العالمين
دامك ابدنياك تفضح بنتٍ اب نت وشريحه
هذا يومك تنفضح به وانت اصغر صاغرين
قالها خير البريه استر اب دنيا شحيحه
يسترك مولاك بكره يوم حشر الحاشرين
هذا حكيّ قلته والله لان سمعتنا جريحه
ولاننا بين الخلايق للفضايح عابدين
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.