البهــــذله - عبداللطيف العوفي

يااول مشاوير الغلا واخر مساحات الوله
شفني تعثّرت ابعيونك لاسلمت ولاعبرت

ابدا بك المشوار وان جيت اخره يبدا اوله
واقول ابا اغفى معك واليا مرني طيفك سهرت

ارتاح لك واشتاق لك رغم العنى والبهذله
واقول :لانك جنه ابغا اكسب نعيمك لاصبرت

انا ان هجرتك وانت روحي ماعتبرها مرجله
بس اعتبرها مرجله لو اني بروحي ظفرت

علمتك بصغرك تكبّر حبنا وتدلله
لكنك استصغرت كل الحب يوم انك كبرت

الجا لك ابغا الامن في حبك والاقي قلقله
استرك بعيوني وانا اللي من عيونك ماانسترت

ان كان ماتنقذني من البحر والشط اوصله
مابغى تكفنّي اليامني على الشط انتحرت

حتى وانا متحمس ارسم لي ببالك جدوله
جيت اجمعك باقات ورد وفاح عطرك وانتثرت

حليت كل الاسئله ماباقي الا مسئله
حاولت اجربها على كل الحلول ولاقدرت

وشلون تكفر بي وانا لك كل شي محلله
اخذت مني كل شي ولا حمدت ولاشكرت

بلغتك ان الحب واجب كل مومن يقبله
وامنت انا واخلصت.لكنك تنكرت وكفرت

خذها صراحه كانك اتشوف السنين مطوله
والله ماخليك حتى لو اموت ولاقدرت

عبداللطيف العوفي
© 2022 - موقع الشعر