مجاراتي لـ عامر الشنيف ,, - خالد بن سهيل العبيريد

قضيتي تشبه قضية فلسطين
الكل يبغاني بشرعة وكيفه

وانا اتعزز واحمل الذنب ذنبين
واقول يا وسع الصدور النظيفة

متشره(ن) غصب(ن) عن القلب والعين
وأداري الضيقة ونفسي حفيفه

متعفف(ن) عن عوج درب المقفين
نفسي عزيزه والهقاوي منيفه

غضيّت عيني بالبكا فوّل البين
وانا خفوقي من ورآها نزيفه

تلوفني جروحي ليا شفت سكين
في يدّ من تمم مواجيب ضيفه

واذكر سبب دمعة وسجه وبيتين
واضيق من نفسي وطاري نكيفه

واسج عن ربعي ومن دون رجلين
موجود!!لكن طير عقلي رفيفه

الذاكرة عش(ن) وعيدانه أسنين
وطير الفكر أدنات حدري يليفه

يحوم ثم يركي على شجرة التين
إللي ثمرها ما قطفنا خريفه

لله در الوصل يا يوم الأثنين
يوم الوليف أهمل وخلا وليفه

أتلا العهد به قال: برد بعدين
وطرحت جوالي وعيني بطيفه

وقمت أتلهّا وانتحتني بساتين
واخذت أسقّي كل وردي وريفه

وابطا وانا والطيف محنا بدارين
إلا أن لي حس(ن) شحنّي بحيفه

واليوم كمّل له من البعد شهرين
شهرين في قلّ وهمومي كثيفة

ما كنت مرهي بس وش عاد تبغين
يا نفس لو تبدين همّ وحسيفه

روّح وظني عادت الجرح المكين
يطيب لكن لا تكوني كليفه

ما الله خلقلك عين تبكي مقفين
وانت ِ وفيه والنوايا شريفه

قلت القصيدة بس من شان تدرين
من راح من كيفه تراها بكيفه

عامر بن صالح الشنيف الشمراني ,
البارحه مامسيت والناس ممسين

اخيل برق ٍ شاق عيني رفيفه
برق ٍ من المنشاء غداله نياشين

في مزن ذكرى ً في زماني مظيفه
ينساب ربانه على الخد ويبين

جرح القلوب الساهيات الرهيفه
في مقدمه خير ويسوقه مضامين

هجر وهجير اهل العلوم المريفه
حتى تمكن في حشى القلب تمكين

وثنى على جمع المعاليق سيفه
وصحى هجوس ٍ فالحشاء قدر عامين

مستوطنه ترعى ربيعه وصيفه
وسارت مناهجها على العسر واللين

وافتح لها كل الدروب الشريفه
اخذ واقلطها على هامة الزين

والشين مالي في دروبه نصيفه
ياعامر الشعار ماهم بناسين

شي ٍ يهيض وسط عرض الصحيفه
فيها ومنها مايشوق المحبين

ويهز وجدان النفوس العفيفه
لاشك تدري واكثر الناس دارين

ما فالهوى غير الدروب المخيفه
فيه الضواري كلوبها مكامين

ياويل من تقداه مر العطيفه
من ذاق جرح الحب ماله مداوين

والي وقع به مايفيده رديفه
مالوم حالك ياحفيد الميامين

مادام قلبك ماتعالج نزيفه
كم عاشق ٍ يثنابه الجرح جرحين

يفضح سواد الحزن خافي عطيفه
له نوحة ً تجزع حفيظ الشرايين

ماله قوى من بعد جاله شعيفه
هذى وانا مالي على الدرب دربين

شفي مجاراة البيوت الطريفه
الجزل له في ثومة القلب تثمين

والهزل عند اهل القلوب السخيفه
الشعر غايه والضماير عناوين

منهال هاجوس ٍ يسلي غريفه
ماني بلاهي كان فالناس لاهين

اقود قاف الجزل قود العسيفه
والختم واعداد الخشوع المصلين

اسلم وسلم والنوايا شريفه
خالد بن سهيل العبيريد العتيبي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر