وين انت ياللي غبت من يوم الاثنين

لـ خليل بن هدلان، ، في غير مصنف، 4،043، آخر تحديث

وين انت ياللي غبت من يوم الاثنين - خليل بن هدلان

وين انت ياللي غبت من يوم الاثنين
جرحٍ جرحت بسهم فرقاك داوه

بعدك سهرت الليل والناس ممسين
بيني وبين النوم حرب وعداوه

انا هويتك بين كل المزايين
وقلبٍ هواك بسلم الاحباب هاوه

احب فيك العقل والملح والزين
واسلوبك وثقلك وطبع البداوه

وهرجك يرد الروح يا داعج العين
للهرج لا جا من لسانك طراوه

ان رحت ضاق الكون من وين لا وين
وان جيت يبدي لك خفوقي حفاوه

© 2024 - موقع الشعر