سكر نبات الحب / والا كنافه ؟

لو المسافه ../ تبعد أيام / وشهور
ما نساك رغم البعد .. والا المسافه

اتذكرك والحال .. طيّب / وميسور
مادمت انت البحر ../ وأنا ضفافه

احضنك ../ حب وشوق انسان مقهور!
لقا حياته .. بعد مالموت شافه!!

بعدك ظلام الليل ../ وحضورك النور
تعال ياعرش الحسن .. والخلافه

يالماس / يامرجان / در ٍ / وبلور
الحب غنى فيك .. وأعلن زفافه

انا على شوفك .. اغني / ومسرور
سكر نبات الحب / .. والا كنافه!

استغفر الله .. يمكن أحلى من الحور
ويعجز لسان الشعر .. بحره / وقافه

واليوم ../ بعدك غير والساق مكسور!
والبعد قاتل .. / لو تطول المسافه

ياقصري الشامخ ../ ويا قصر معمور
القلب لك والروح اقلط .. ضيافه

واليوم اشوف البحر /.. في سده بحور
وفي غيبتك البحر .. أعلن جفافه!

مأجور .. ياقلبي من البعد .. / مأجور
حبك اساس الروح ماهو إضافه!

لكن بعد أيام ../ بشوف لي نور
ومن بعدها .. / بدفع رسوم الكلافه !