الرفيق

انا وين ابلقا لي رفيقن قوي عزوم؛
 عضيدن علا جنبي و وقفاته امهيله

شجيعن لياكبرت وطالت حشاه اللوم
 اله وقفتن بالطيب تعرف مفاعليه

بعيدن عن الشكات طيب حفيد قروم
سوات الجبال الشامخه مابها حيله

والا ياوجودي  وجد عودن غزوه القوم
وهو في خلا مخالي و ذوده يباريله

بغوه القروم اللي على الخيل جاهم زوم 
وكلن معه شلفا وسيفن يماريله

يدوور على فزعه شجيعن عليه علوم
ولابه شجيعن حول ذوده يقاويله

تلامت عليه الخيل قامت عليه تحوم
 ولاعاد به رجوه وهو باردن حيله

 وقفو وكل الذود مابه ولاشغموم
جفاه الونين ودمعته صارت مسيله

هذا وجد قلبي يوم كلن علا المقسوم
 بغيت الرفيق اللي كبارن مداهيله