هادي

وشلون!! أبوصف ماخفى في فؤداي
وشلون أبكتب ماخفا بالمكاتيب

أخجلتني ياصاحبي ياسنادي
يامحزمي ..يافزعتي باللواهيب

حرن مضرى والمن للهدادي
تعشق شموخ المرجله والمراقيب

من غيرك اللي باللوازيم جادي
من غيرك اللي بالمواقف فلا يغيب

وقفتك تغني..مابغيت ومرادي
يكفيني فخر بخوتك والتجاريب

الضيق لونه مكتسي بالسوادي
وبأمر الولي ثم وقفتن منك يالذيب

يصبح بياض مذعذعن بالبرادي
والضيق ولا.. ماخذن منك تأديب

والطيب لو صوته علينا ينادي
يقول هادي منبعه دون تصويب

وكان المحيط أسمه على الأسم هادي
أنت المحيط الهايج بفعلة الطيب