الحلم وازعاجه

لـ حميد المخلوق، ، بواسطة عذاري، في غير مُحدد

الحلم وازعاجه - حميد المخلوق

كل المشاعر و الأحاسيس وهّاجه
والروح من دونه مع الناس متغيره

سافر و دونه هالغلا ما تكمل الحاجه
مو بس أنا ! الناس من راح متحيره

بُعْده مرض والبعْدْ ما أصعب اعلاجه
وخوفي يخون القلب بالوصل تقديره

خله حياتي كلَّها عسْرْ وامواجه
صغر المشاكل من بعد دونه اكبيره

كان السند بالضّيق واليوم محتاجه
وقربه أموري وسْطْ الأمواج متسيره

قلبي بدونه سجْنْ وحْضوره افراجه
والوقت مثل السيف لا فات من غيره

كل الأماني للقلب بيعوِّد ادراجه
واكسر قيودي واعلنه يوم تحريره

لجله اطوف البحر من أكبر أمواجه
وآودّع الأرض التي كانت الديره

تايه مع الأوهام والحِلْمْ وازعاجه
يصعب على الإنسان فالحلم تغييره

إلّا ليا من راحته طالت امزاجه
وصار الوصل مايقدر الحلم تفسيره

وان عاد يقدر يشرح الصدر باثلاجه
مابي أعاتب عن مدى زود تقصيره

كنه ملكني واستوى صعب اخراجه
وآنه الذي قلت الغلا سهل تصديره

© 2024 - موقع الشعر