كل يوم يقطفني زهر - حميد المخلوق

كل يوم يقطفني زهر ,, والحال قرّب ما يطاق
ومن واجبي أزرع زهر لا صار يقطفني زَهَر

والماي جافي .. والجفا منّه كسر عشرين ساق
وارجع أبلل تربتي بدموعْ من كِثْرْ القَهَر

يا شين حظّي في بشر ما شوف فيها الانسياق
ما شفْتْ نومي قُرْبُهُمْ ولّا أنا مو للسَهَر

حاولت أذوق بْقُرْبُهُم شي ٍ يسمّونه مذاق
ما ذِقْتُهُمْ بأوّل شهر ,, باذوقهم بآخر شَهُر !

حاولت أباعدْهُم غَصُبْ يمكن ألاقي الاشتياق
صُرتْ اشبه الشُمْعه أنوّر وحْدِتي قَبْلْ انْصُهُر

هذا وُهُمْ حُب ٍ ترعرع لينْ ما بالوَصْفْ فاق
واليومْ ينسوني كِثُرْ مغْلي قَدُرْهُم .. منْبُهُر !

هذي هي الدنيا يجي ويرحل لك
يا ما رحل غالي غدر! واليوم اسمه منْشُهُر !

ذكراهم المُرّه تزيد بْوسْطْ قلبي الانشقاق
كافي جروح ٍ من قبل بالقلبْ محكوره دَهَر

قلبي نزف .. جرحي تعب .. والصَدْرْ من هالناسْ ضاق
واللي يعقّم غصّتي والجَرْحْ .. اسلوب ٍ طَهر

كنْهُم على أفعالهم .. دمّي غَدآ عادي يراق
هذي حِكاية من زَرَع في ترْبِته بذرة زَهَرْ !

© 2024 - موقع الشعر