درب العقاب

دام قلبك ما تحمّل يوم يتلقى العتاب
صار بامكانك تحس بقلب اتحمّل كثير

كِثْرْ حرماني وجودك كِثْرْ ما فيك العذاب
الجفا من يوم سمني صرت باحساسي فقير

لا تجيني ,, لا تلوم القلب في درب العقاب
الهوا مو نفس لا جبته اهو نفسه الزفير

ضاع حبّي من سواتك ضاع من عمري شباب
ما يعوّضني قَدَرْ ,, للقلبْ ما شفتك جدير

الفرح بخيوطْ حزني ناسْجَه طيف السراب
ما ضحكت الا همومي غيم في حقّي تشير

الحِزن ما هو بْحقّك ,, الحِزن من الارتياب
خايِف اللي راحْ يبقى ما يخلّيني بِخير

لو تعاملني بْغِيره ما وصلنا للغياب
من عرفتك وانتْ وحدك بين رغباتك تسير

ما لقيت الا التَجاهل و الجِفا وقت الصعاب
لعن ابوك الخير منّك ما يجي الا عَسير !

ما طلبت الا عيونك صدّت ٍ قبل الجواب
وان عصيتك دون اذنك يستوي طبعك نذير

راح تعذرني لَو انّك ذايْق ٍ طعم النياب
كان ذقت الراح منّك لو حوالينك سعير