مشتريك

إنْتْ في بالي من أول ما شعرت إني ابيك
وانت آخر من ابيه يعيش أيامه معاي

حبّك أحياني وعلمني الجَرُحْ اشلون أحيك
صارت أيامي نهار وراحت همومي وشقاي

صرت في عيوني ملاك صرت فيني وآنا فيك
إنت في قلبي وسطهم وانْتْ في كامل حشاي

خلك بكامل حلاك وشوف كيف إني بجيك
باخذك قوّة وبضمك وبطبع بخدك شفاي

بلعب بحضنك إلين الصبح وبتهمس حكيك
وانظر بعينك ويدك تسرح بخدي ويداي

طالْبُكْ تكفى أريدك في حياتي مشتريك
هذا آخر ما أريد وهذا آخر مبتغاي

عطني ذنوبك إذا كانت ذنوبك تحتويك
وأغترف من حسناتي وأملأ بقلبك عطاي

إنته في قربي مَليك وآنه في بعدك هليك
خلني عابر في سبيلك بس لاتبعد مداي

بخدمك بهواك وأبقى لي نصيبي..أرجتيك
أنته في قلبي حبيبي وأنته بعروقي دماي

لك أضحي من حياتي لأنك بحبي شريك
لأني بجوفك حشاك وانْتْ من حولي غطاي