من لقيتك

لـ حميد المخلوق، ، بواسطة عذاري، في غير مُحدد

من لقيتك - حميد المخلوق

من لقيتك وانه في قلبي كلام
ماعرفت شلون اتجرأ واقول

لا حضرت اتبهدلِ بْقولي سلام
والسلام اللي اقوله لك عجول

لا سكت اشوي حاكاني الغرام
وان نِطَقْتِ بْشي ينزال الخمول

صرت احس انك على صدري وسام
صرت احس انك على دربي حلول

يا ملاك الروح لك تاج و مقام
خذ عصاك اللي تحولني عدول

انته اسمك صار في قلبي وشام
ما يزول الا اذا روحي تزول

يعني افهم انْتْ في بالي دوام
لو ثواني اتروح تلقاني هبول

من عرفتك عيني ما صارت تنام
والقلب من صرت في وسطه طبول

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر