لاضاقت الدنيا عليك

لا ضاقت الدنيا عليك وتمايلْتْ
تبغي من اللي يسندك وَقْتْ همّك

وحملت في صدرك جبال وتسائلْتْ
ليه الوصل مجبور تفديه دمّك

وعطيت حقه بالعدل ما تطاوَلْتْ
بالروح ساويته كثر ما يهمّك

اعطه على كثر الجفا لين عاملْتْ
واضحك بوجهه لين قصده يذمك

إن قال في حقك (أنا فيك جاملْتْ)
(والقَصْدْ في قربي أناولك سمّك)

لاتكترث طعنه ولو كنت حاولْتْ
تكسب بحبّك شَخْصْ يعنيه لمّك

وان كان باولها لقربه تفائلْتْ
يكتب غزل ويصير قُرْبُكْ يشمّك

والحين سكينه بظهرك تحامَلْتْ
يطعن كذا ساعه وتالي يضمّك

ضمّه و لكن قبلها الغدر نِلْتْ
احذر من اغلى الناس وان كان يمك

كل السنين اللي مضت صبرها شِلْتْ
وعليت راسك في سما وَجْهْ صمّك

في سهرتك دمعه على بعْدُهُمْ خِلْتْ
واللي مسح لك دمعتك كان كمّك