ودي اسولف بس وين التعابير
ودي افضض كل مافي المحاني
الناس تنظر لي من اعتى المشاهير
بالجاه والشهرة يراني زماني
لكن قلبي ممتلي بالمقادير
ياكود يسمح لي ببسمة اماني
مره يمنيني بقرب المشاوير
ومره يزيد هموم جوف(ن) يعاني
الهم مثل السيل ذا جاني امغي
يشل فكري ذا لفى واغتشاني
لكن قلبي يشتهر بالتساتير
يخفي على الاحباب ماني اعاني
عندي يقين ان الزمن مقبل(ن) غير
فاولتها قمرا .حلا ..شكل ثاني
صوت (ن) عليها نغمته تسقط الطير
وكلا م عقل(ن) يجهله كل عاني
مثل الشهد تلقاه من دون تزوير
افكارها تروي على قدر واني
انا اعرف ان القدر قي هالتساير
وانا اعرف ان العلم بالحيل شاني
لكنها مثل الجبل نايف منير
تعطي ولا تاخذ من اهل الثماني
يازين صحبتها وزين المطاوير
ابني لها من سابق الوقت باني
احب صدق القول بالذوق والخير
واحب ذيك النطق اللي شقاني
ياسعد منه جنب بيته بلا سير
يروي عطش من ذوقها والمعاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين