الله لايجيب

الله لا يجيب الزعل والصد وايام البعاد"
"وان كان لي حظ(ن) اعيش مابغى اعيش الا معك

حققتي احلامي خلاص ما عاد لي غيرك مراد"
" ما عاد لي بعدك طموح الا اشوفك واسمعك

صوتك احسه فجر عيد البس له ثياب(ن)جداد"
" سبحان ربي في حلاك وحلو صوتك متعك

روحي هناك اطمنك الشوق لك بالحيل زاد"
" صحيح انا جالس هِنا لكن قلبي يتبعك

همي تعيشين بهنا لو عشت بايام شداد"
" اصلاً انا همي الوحيد امتعك وادلعك

لا يروح تفكيرك بعيد لا ياخذك شك وعناد"
" والله لو دمي اخونه ما اخونك واخدعك

حبي مثل جمرة غضا لو بالجفا تلبس رماد"
" بس اخلعي عنها الجفا تولع دفا و تولعك

انا نذرت الحب لك لو بيني وبينك بلاد "
" انا سندك اللي اذا ارخصك غيره يرفعك

تدللي اش تامرين خذي من عيوني السواد"
" يا جعل يومي قبل يوم(ن) تنتخيني ما انفعك

وان قالوا يا كثر الحلا لو انهم سووا مزاد"
" كل العذارى مايساون عندي اظفار اصبعك

يكفيني لا قلتي ( حبيبي ) ما بقى فيني رقاد"
" عمري ما حسيت بحلاها الا بلسانك ما اروعك

حبيني افديك العمر بيعيني يعني ويش عاد"
" هي كلها لحظه اعيش ان طولت واودعك

الموت اهون ما ابي دنيا بها نبقى بعاد"
" وان كان لي حظ(ن) اعيش ما ابغى اعيش الا معك