سعود الربيع له زود التحية
من سمعها ماقدر يحصي عددها
سعود الربيع مكثور الجزية
ماكذب اليا هرج والا سردها
له وصوف القرم واهل المقدرية
طيبته وسط البشر كلن شهدها
يحسب الموجود من حسبة خوية
مايفرق بين الاجناب وبلدها
من سماه الطيب طبعا هو سمية
ياعسا ياخذ من الدنيا سعدها
مايجي من حظرته ذل وخطية
من بحثها عنده ابدن ما وجدها
ادعي الله خالقن كل البرية
منزل الامطار والخير وبردها
يبعدك ياسعود عن درب الاسية
دامكم ياسعود ركاز لوتدها
اشهد انه ماحمل اسم الردية
ما يهمه زولها وزمة نهدها
يربط المفلوت دون اية وصية
والمشاكل ما يحل الا عقدها
هو عطر والا ورود المزهرية
او روايح زهرها والا شهدها
المهم انه رجل مثل الهدية
غالية ما تنهدى منهو عمدها
واخر الابيات ندعيله سوية
ثم صلاتن للرسول اللي سندها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.