((في هآلزمن تقدر تقوًل ان المثلث مستقيم
? * *وشيٍ(ن)طبيعي لو تقيس الدائره بآلمسطره??))
ادري تفلسف شاعري لكنْ افهم يافهيم
ابغي اوصل فكرةٍ *لكن تراها مبعثره
*لو جبت رجالٍ رزين وجبت رجالٍ لئيم
وقلطتهم داخل ضلوعي وجبت ريح المبخره
وقهويتهم حلو الكلام اللي علا لسان الكليم
ومديت فنجال المراجل من دلال امبهره
الاولي بيقول عنك انت رجالٍ كريم
وعشرتك ياذيب عنزه ياحيها من معشره
اما الردي يقول عنك انت رجالٍ لئيم
يمدحك في وجهك ولكنْ ويش خلف المنظره
في مدح فعلك ساكتٍ في ذم فعلك هو يهيم
ذمك وسبك يارفيقي غيث هرجه ممطره
ويش اختيارك يارفيق الدرب يالقرم الحشيم
رجلٍ رزينٍ (ن)يحفظك والا اللئيم المصخره
قد قالها شعار قبلي في زمن عهده قديم
((افضل علاج اللي يحاول يستفزك احقره))
وانا حقرت الين مافاضت براكين الصميم
وعذرت ناسٍ(ن)يافهد ما تستحق المعذره
ياهيه قد قالوا قبل احذر من شرور الحليم
لان الحليم اليا انفجر يامخطره يا مخطره
تدري وش اقهر دمعةٍ من بعد دمعات اليتيم
دمعة *رجل طاحت وحارت في زمان الثرثره
وتدري وش اللي ولّع بقلبي مساعير الجحيم
قدرّت رجلٍ يالخوي ماهوب يم المقدره
يالله اني طالبك ياوالي العرش العظيم*
استر لرجلٍ كاثرات خطاه يالله استره
وارزقه فردوس الجنان وعيّشه باحلا نعيم
وارزقه من مدّت يمينك يا إلهه المغفره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين