وش بقى لي مع الناس - رياض العشيشان

ياضيقت الخاطر وياضيقت الياس
يأخر طموحات الفرح والاماني

الحب لعيونك تراه(و) بلا قياس
يالي غلاك بداخلي شي ثاني

عقب رحيلك وش بقى لي مع الناس
ماغير طيفك لا سرحت ولفاني

اخاف من طرياك والناس جلاس
وكلاً(ن) يشوف بغيبتك ويش جاني

تعبت ابرر للخواطر على ساس
انك تروح ورجعتك في ثواني

البحر هاج ولا يفيد(ن)الانفاس
لا من غرقت وصار مالك مواني

الله من حزن(ن) به الشوك ينداس
بظروفنا الي من قساها نعاني

وشيب عيني لو غدا الحزن نبراس
والراس شاب وكل شيا عصاني

ياوافيه للحب معنا ونوماس
وانتي سبقتي بالوفا مامداني

من حقي احزن يابعد كل الاجناس
لا من وصالك صار حلم واماني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر