انا المحروم حارمني زماني - طلال محسن

انا المحروم حارمني زماني
من الاحباب واحلامن كثيره

وحناني ضاع واتشتت حناني
واديني عن مواصلهم قصيره

انا هالحظ كم منه اعاني
انا في ديره وحظي بديره

قليل اللي تمنيته وجاني
وكثير اللي يعدي بقول ( خيره )

على صدر الحزن وقتي رماني
وكبيره طيحه العاشق كبيره

مع الاشعار كم هاجس خذاني
لمن طيفه اذا يطري سفيره

احبه والله بحبه بلاني
ولا ادري حبنا وشهو مصيره

شعوري لا طرى خلي دعاني
على التعبير في فوحه عبيره

يلامس قلبي احساس الاغاني
ويثير شعور قلبي المستثيره

انا المحروم والحارم زماني
من الاحضان واحلامن كثيرة

© 2024 - موقع الشعر