بداية عام1433 - سليمان السلمي

بداية عام يجمعني معك في مركب الاقدار
عسا ربي يبارك لك بداية عامك الهجري

وعسا ربي يقربني لقلبك واطوي الامتار
الين اسكن وسط دمك وحبي داخلك يجري

نسيت الناس والعالم ولو كانو وراي كثار
وجيتك اوزن حروف القصيد اللي علي تطري

شربتك مي من بين السراب وهلت الامطار
على يابس عروقي لاحضرت وينجبر كسري

لبسنا عامنا الاول وزدنا من شتاه اصرار
وتدفى رعشة ايدينك على لهفة دفا جمري

تدور الارض والدنيا تدور وتكشف الاسرار
ومصير الجاهل بيعرف عن الخافي وبه يدري

تعال وضمني واغفى وخل اللي يغار يغار
نبي نعكس روايات الغرام وحلها الجذري

مع اول عام يجمعنا بلا هجر وبلا اعذار
احس انك عذرتيني ولو مابديت لك عذري

تطول ايديني اطراف السحاب وتوصل الاشبار
واذا جيت المس كفوفك يفشلني معك قصري

عسا الله مايفرقنا على الدنيا ومهما صار
واشوفك بعد مية عام واقول الله ياكبري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر