ابشرك مات الامل فيك بنساك

ابشرك مات الامل فيك بنسآك
وسبحان منهو عن طريقك هداني
 
العام يوم انك معي فوق الأفلاك
واليوم في سبع الاراضي وفاني
 
مات الغلا مات الوفا مات ذكراك
مات القديم ومات فيك الحناني
 
خلاص اببعد مابقى غير نمحاك
وش لي بشخصن في حياته اناني
 
ياقلب خل اللي توده ويجفاك
وش لي بشخصن عن طريقة رماني
 
في مامضى كان الفرح كان وياك
كنت السعاده كنت تسعد كياني
 
كنت السما كنت الفضا كنت لولاك
افقد صوابي لو فقدتك ثواني
 
كنت النجم كنت الضيا وكنت انا ابغاك
تضوي الليالي والزمن لاغشآني
 
ياهي خساره غرتك حيل دنياك
تحسب جمالك سيدن في زماني ؟
 
ولا لإني ميتن فيك وبغاك ..!
وانتا عرفت اني من الود اعاني ...؟
 
والله لاتبطي دام هذي سواياك
دامك سبب موت الامل والاماني
 
ابعد ماعاد اطيق حبك وطرياك
وعسى نموت ولا تمر بزماني