لاتشتكي لو كان حاجتك حدتًك
لاغاب عن حاجتك مسند يمينك
لاتشتكي لاهل الردى ضعف شدتًك
شكوى لغير الله تذل وتهينك
الي بوجهك قفًل ابواب سدتًك
لاتلحق اهموم الحوايج سنينك
مادام ربعك وقت شدتك هدتًك
وقت الرخا وش حاجتك في عوينك
لاتندب افعال الوفى وين ودتًك
وتندم على مدت وفى من يدينك
لاتذرف دموع الغبن يد ردتًك
بتشوف وش مخفي زمانك بعينك
ارضى بمقسومك عن الي تعدتًك
ولا تغبط الي عاش راهي بعينك
نفسك عزيزه لو ظروفك تحدتًك
تبقى وفيَ ماينحني له جبينك
انصى نفوسٍ عن هنا النفس بدتًك
من قبل تبدي حاجتك جت تعينك
عز القروم الي ليا طحت قدتًك
الي تعلى قمة طويق بينك
ياشين ربعك وقت حاجتك هدتك
وبالين ياكثر الرفيق وعوينك
لاتشتكي لو كان حاجتك حدتك
لاغاب عن حاجتك مسند يمينك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.