خذني بصدرك

مديت له يمناي وارخى يمينه
وحاولت اوضح موقفي. بالقصايد

الغبن مخفي والفرج في غبينه
والصبر مفتاحه من الغبن بايد

انا من امواج الغبًن. في سفينه
والموج من ظربه توقد وقايد

انا الهلاك اجاوب ان قال وينه
وانت الملاك. بداخل العين رايد

انا زبون. الهم من بايعينه
لاصرت بايعني بليا. وكايد

يادنيتي خذني بصدرك مدينه
ابي الدفا عطني ظلوعك وسايد

كم طاح من يرجي قريبٍ يعينه
بالين حوله وانتحى بالشدايد

خل الردي. فعل الردا مايهينه
لاصار ماخذ من رداته عوايد

لايخدعك قوله وتصبح سجينه
كم قول فرق به قلوب الولايد

وكم قد غشت بعض المسامع سكينه
واخًذو بفتنت لابسات القلايد

اللي حكاها ليًن الصلب لينه
لامن حكت قادت لها كل. قايد

صار الولد يحمل لبوه الضغينه
والاب له يرقب ردا بالرصايد

ما كل قولٍ ينسمع، سامعينه
يامكثر الفساق بين الجرايد

لاجاك فاسق بالنبا خذ مبينه
قبل الندم. خذ من كلامه شهايد

الموت فجئه. ماعرفنا محينه
لاحل مات العذر مامنه فايد

وانا اعتذر والصلح عطني يمينه
والى الغلا صعب اجمعه بالقصايد