جيتك ادور غلاي

جيتك ادور غلاي وحضنك الدافي
. . . . جيتك اسوق الوفا والروح ولهانه
 
جيتك أدور تحت غيمتكِ الحافي
. . . . جيتك وخبرك على المشتاق شفقانه
 
ماكنت اضن الوصل لا قل تتجافي
. . . . وماكنت أضنك من الجحدان رويانه
 
الا بعد ماقريت الصد والخافي
. . . . اعضم من اللي دفعه وغير اوطانه
 
لاهي جروحً ولا قد قيل ياكافي
. . . . ولاهي ضروفً تخلي النفس مرضانه
 
اكيد شخصن لقاه بجوه الصافي
. . . . وغواه لين انه اقفا فيه شيطانه
 
ياكيف تخلص لشخصن ضايعن هافي
. . . . ياكيف تغدر بشخصن غنت الحانه
 
انه بعرشً من الاخلاص لك وافي
. . . . تموت بقعا وودي يصهل احصانه
 
ياكيف ياكيف والهجران متعافي
. . . . اشوف نبته بقربي كثرت الوانه
 
بفرش لحاف التعب والبرد بخلافي
. . . . اخاف برد الجفا تذبحني الحانه
 
بشب نار الموادع وادفي اكتافي
. . . . ونوخ أذلول شوقي واكسر أغصانه