ديرتي / كفي سحآبكـ ~

غابت الشمس وتكحل ليلي المظلم عيوني
وانستر للطرف دمعاتٍ على الغَرْبَات هلت !

وانتشى مزن الحسافه / لين اسبلني حزوني
ثوب هالفرحه تبلل بالحسايف لا تبلت !

كنت سدرَهْ والقطوف الدانيه هذي لحوني
ماشكيت القحط الا يوم بي الأثمار بحت ,,!

ما استحى ريق الوصل يبل لو كذبه شجوني
ماستحت شمس الامل تسوم اغصاني وتشحت!؟

نادوا ب/عيدٍ يحاكي فرحهم ويعيد لوني
صحت /ايه بعيد يمه يرسم الفرحه وينحت

عشموني ليتهم بالعيد ذا ماعشموني
جَرَدَ آمالي خَدَرْ بالوقت يوم/2 فَحَّتْ !

تحت نور الآه باقي (له) ثمر يرجي مزوني
صبري آنا قد رجيتك عارضٍ للحال ينعت !

دارت ايامي وانا البُنْ ب /رحاها يطحنوني
إنتهى بني وباقي لفتٍ للوقت ما الفت !

ديرتي كفي سحابك /بس. لاتبكي بدوني
عذر وصلي في ترابك ظللينا لين ننبت !