أبيات يتيمه ومقتطفات

لـ عبدالمجيد الظويفري، ، في غير مُحدد، آخر تحديث

أبيات يتيمه ومقتطفات - عبدالمجيد الظويفري

تعال مايحتاج جدول مواعيد
شوف العواذل في غيابك كلونا
//
حبك بقلبي كنه ريال مدريد
وجفاك يلعبه مثل برشلونا
 
 
 
 
كان قلبك بالهوى ماحب غيري
ليه شب النار في صدري كذيّا
 
لعنبوا حبك مثل فعل المطيري
ولع النيران من زود الحميّا
 
 
 
 
 
 
?علموا عن كل سني / كل شيعي
في حماة الدين يازين الحتايف
 
كرهكم ل/ملوكنا شيءٍ طبيعي
عاش عبدالله وعاش أخوه نايف
 
 
 
 
 
نامت عيون البشر وعيون عبدالمجيد
تحارب النوم من دونه ب(شلفا سهر)
 
?‏?
ومن الحموه يجي فازع ب(رمح القصيد)
لو يبعد النوم عن عينه (مسيرة شهر)
 
 
 
 
 
ماساقني في هوى العشاق عشق الإناث
اللي يعزلك عن أصحابك وربعك عزل
 
ياهيه يامعشر العشاق / أنا أعشق ثلاث
الدين ثم المراجل والقصيد الجزل
 
 
 
 
 
 
بين اختلاف الوقت وطبوع الإنسان
الرجل دلوه للحضاره مورّد
//
يا اهل القصايد والفرايد والألحان
وأهل الحدايا وآهل البدع والرّد
//
منول الشاعر يجي ذيب وحصان
واليوم ب(تويتر) إذا ضاق غرّد
 
 
 
 
 
والله أني أحبك رغم كل الظروف
يامحمل خفوقي / نار (شوق وعنا)
 
في تغليك قلي وش تفيد الحروف
شاعرك من قصيده قول لي وش جنا
 
جيت وأخذت قلبي والأوادم تشوف
رد قلبي على شاني وأخذني ( أنا )
 
 
 
 
 
الصبح / هذي عادته يفضح الليل /
والليل من كثرة مساريه شيّب
 
وأنا قصيدي يفضح الحزن والويل /
من صاحبٍ في غيبته ما تغيّب
 
 
 
 
 
دخيل الهوى قلبي إذا جيت وألا غبت
وأنا ملتجي بالله من الضيق والدمعه
 
يوم إنك تعذبني بحبك / وأنا ماتبت
ولو راس مالي كله الصيت والسمعه
 
تجيني وشايل ضيقتي مثل ليلة سبت
وتقفي بسرعه مثل عصرية الجمعه
 
 
 
 
 
على الله يامسافر من عنيزه
مع الدرب الشمالي درب حايل
 
من الدار العزيزه ل العزيزه
من أم المكرمه ل أم الجمايل
 
 
 
 
 
خذني معك وإرحل عن العالم بعيد
قدلي سنه وأنا من الناس ضايق
 
خذني ترى شوفتك ومواصلك عيد
وفي غيبتك تبطي علي الدقايق
 
 
 
 
 
عسى الليله اللي جمعتنا يابو سلطان
تكاثر ثوانيها / وتبطي دقايقها
 
وأنا والله إن قدلي على خوتك شفقان
ولي عنك 6 شهور بالمر ذايقها
 
فراق النشاما صعب يامفارق النسوان
ومن جرب الثنتين يعرف حقايقها
 
 
إهداء للغالي / محمد سلطان الجش
 
 
 
 
 
مررحبا يامنبع الطيب يالضلع المنيف
مررحبا ياأعز الأصحاب ترحيبة وفا
 
النشاما ماتنقص بواجب كل ضيف
كيف لو راعي جماله على بيتي لفا
 
 
 
 
 
قضى عام يالترف الخجول وبدينا عام
عسى كل عامٍ ماتعشقين أحد غيري
 
بنات العرب لو يحسدونك محد ينلام
جميله / ودلوعه / ومعشوقك مطيري
 
 
 
 
 
لا تغرك ضحكة القرم لامنه ضحك
يطلق حجاجه للأجواد لو بالصدر ضيق
 
ذاك مثلي كل ماجاه من وقته محك
مادرى عن علته لاصديق ولارفيق
 
 
 
 
 
الشعر بصدور المجآريح له (دور)
جدد موآجيعي والأيآم (مره)
 
عليك ياللي لك بقلبي 100 (دور)
تخطي وأنا أسآمحك مليون (مره)
 
يآمحمد المري لو تقولي (دور)
وتقول مره كآن تنفعك (مره)
 
مآعندنآ يآصآحبي للوراء (دور)
أنآ (مطيري) وأنت من آل (مره)
 
 
 
 
 
صعب أحتفل وأتبآهآ عآد فرقآك صعب
تعآل أبعطيك كل اللي تبي وأعطني
 
أبعتذر للسعوديه حكومه وشعب
مآلي وطن غير قلب صويحبي موطني
© 2024 - موقع الشعر