مرثيـــه - محمد البديني

هاض الضمير وعافت النوم عيني
بعد مغيب الشمس وضو القمر غاب

جاني الخبر وأيقنت بانه يقيني
وباح العزاء وهموم صدري له كتاب

مرحوم يامن لثكالا معيني
عليك دمعات المساكين سكاب

مرحوم يامعطي شمال ويميني
من زود مايعطي كسب ناس وحباب

مرحو م ياللي في كلامه رزيني
ماهو من اللي للمقفين سباب

شيخً على الوقفات مده سميني
وقفت رجالاً للمعاميل شباب

من روس حمران النواظر بديني
شيخً على كل النواميس جلاب

مالوم منهو بالفقيده حزيني
وان شقت العذرى بفرقاه جلباب

لو ينفدى به كان لفدى ثميني
حيثه ذرى للي من الوقت منصاب

ياليت لو الموت حض الدويني
اللي سواته ماحسبنا له حساب

ان مات حضه ذكر باير وشيني
والطيب اليامات تدمع له اهداب

قلته وانا ادري لو تطول السنيني
يذكر على طيبه مع اقراب وجناب

مناسبة القصيدة

مرثيــه في الشيخ / دغيم القريفه رحمة الله
© 2024 - موقع الشعر