الله ياقاف كتبته بيمناي
في ساعةٍ بس النجوم المطله
بس النجوم اللي تسمع للشكواي
وصوت الشجر يوم الهبايب تفله
الناس ناموا وابو ماجدعلى راي
قام ايتذكر في ليالٍ مضله
طولت سجاتي على كل مشهاي
مع الديار اللي هواها هوله
البر شوف البرياغاية امناي
ياماحلا شوف الجبال المظله
وشوف الفياض اللي بها داي ودواي
في بعدها وفي شوفها ياعطاالله
ياما تغنيت الهجيني امسراي
الله من خطٍ سريته وادله
لا ياعطاالله جتكم ابيات شكواي
المبتلي في هاالزمن كيف حله
تبهيرت الدله وتخديرت الشاي
برض قفر تسوى ثلاثين فله
البر عشقي من بدت سيرة اخطاي
والعشق الاول مايتغير محله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين