ماحدني للهجوس وبدع الاشعار غير
غير التفاكير بالدنياوصحباتها
ولاحد ابوماجد الليله وقت العصير
الا المسافات والطرقه ولفاتها
ولاضيق الصدر غير مبيعين الضمير
مثل اولاية كلنتن في ولاياتها
لي مدتهِ والقوافي صمتها يستثير
ان جيت اهد القصيدة ضاقت ابياتها
تبوني اشرح من الاشعار شئ يسير
والا تكف الحرار ان قلت اشاراتها
الاوله ياايلاه الكون يامن يجير
تغفر لنفسي وتدمح كل زلاتها
والثانية لو يحط السيف وسط الجفير
اخير من سلته في غير حزاتها
وكان الجماهير ضاقت والسبايب بلير
ترى العرب لوتشوف تبين وقفاتها
الصبر معادله بين المحاني مصير
من يوم زادت جحوف الغرب شرهاتها
وانا ادري ان الكبير اليا تركها كبير
مايلتفت للضعوف وبعض دقاتها
ولو جيت ابوظبي حتى برجها المستدير
تقول ابو ظبي ماتفرق اماراتها
ولو جيت لوجيت ياعمي حكينا كثير
ياهل القلوب الفطينه طول اسكاتها
ماينطح الكايدة غير انت يابن نصير
يالله تغفرلحي الناس وامواتها
واغفرلجدي ابو رويعي وجدي بشير
في جنة عرضها الارض وسمواتها
الشاعرغازي بن رويعي الحربي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين