بدآية حلم..

بداية حلم غناها القصيد وشلها موال
وبدت تستنطق ابياتي وتسترسل معانيها

اسوق الرجل للجزله وهي الممشى لها قتال
واسل سيوف ما سلت ولا اجرح في مباديها

اوردها فياضن تستشيخ بمزنها الهمال
واصدرها طفل ضامي شبع لاقصى مساقيها

اقدر قيمة الخوة وانا كفون لها شيال
واشره مرتن وحده ومراتن اعديها

انا املكلي فرس جامح وانا قرمن لها خيال
اسيرها على دروب المعاني وافتخر فيها

وانا حلمي غدا همن وذكره بالضمير اختال
تمر اطيافه ضيوفن عجز فكري يقهويها

غدا همي على الدنيا تقل طايح عليه جبال
يزيد الضيق في دنيا المعنى ثم يشقيها

والا يالله يا عالم بحالي يا وسيع الجال
تيسر دنيتن ضاقت من اولها لتاليها

والا يا جزلة المعنى غدا لك داخلي منزال
واراقب فرحة المعنى بدت تظهر مواريها

عساها مبتدا خير وخبرها وسعتن للحال
ويزول الهم بصدورن عسى الله لا يعنيها