عذق الأماني

سريت في هقوة مضاحي رموسي
و كثر الطواري للهقاوي تهافت

وزادت مواقيت التنافر عموسي
والعين من كثر السهر ما تعافت

غّيرت مفهوم الهوى من قموسي
لو القلوب بما خلجها تخافت

وعلى اتصال الوجد عامت هموسي
و جروحي اللي في فوادي تشافت

وتواردت تطلب جموسه جموسي
من منهلٍ ما ماح جمه كرافت

الشمس فوقه طامستها الطموسي
والعين من حلياه ما قط شافت

عذق الأماني في مقاضب خموسي
وأطياف صورتها على الفكر طافت

العنق بربيكان والخصر موسي
والعسجد المردوم حنّاه خافت

وفي لحظها زرق السهام الدموسي
ومن مرّها قامت عيونه تلافت

عقلي خذته الجادل العطيموسي
ناف الفكر فيها وفالقلب نافت

لو اقطع اعروقي ب شفرات موسي
لاسقى ثرى عشقٍ قلوبه تصافت !!