حي النظيم - سليمان السلمي

اعذروني يا اهل ;حي النظيم
لو بطول عندكم لاتسألون

جيتكم والعقل بالجسم السليم
ورحت منكم والجسد لكه طعون

الهوى غلاب والحب القديم
مابقاله في رياض العشق لون

بنتكم غطت على نوره وريم
واسهرتني والجماعه نائمون

لجلها ماسمع سوى عبدالحليم
والا ابو احمد لاغنى من تكون

الادب والحسن والخلق العظيم
اجتمع كله بهالبنت الفتون

الله احلاها بلاشفط ورجيم
والجمال اللي من الله مايهون

بنت ناسن علمهم علمن غنيم
طيبين الذكر موفين الديون

امها توزن عقل كل الحريم
والابو ليا نخيته مايخون

ودي اخذها ونسكن بالقصيم
غربي ;بريدهعلى خط العيون

الكرم فيها وانا طبعي كريم
ونقضي الباقي من العمر بشجون

الهوى للحين بي طفلا يتيم
ولا لقاله بالوطن قلبن حنون

حدته دنياه والواقع اليم
وعاش مابين الاماني والظنون

كان بعد البنت يجعلني حكيم؟
قربوني بس يازين الجنون

نيتي بيضاء ودربي مستقيم
والدروب العوج من جاها مغبون

ياجماعه ادعو الرب الرحيم
لاخطبت البنت اهلها يوافقون

لعن ابو حي النظيم اثره عظيم؟
ماتوقعت ان اهله يهبلون

جيتهم والعقل بالجسم السليم
ورحت منهم والجسد كله طعون

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر