منيره

لـ سليمان السلمي، ، في غير مُحدد

منيره - سليمان السلمي

يابنت مابالناس غيرك منيره
ويابنت مامثلك صبايا ولازهور

انتي فريده ياغزال الجزيره
فيغيبتك ظلمه وفي طلتك نور

انتي ملكتي خافقي يامنيره
بس ارحميني شوفي الحال مكسور

يكفي اشوفك ما ابي شي غيره
انا قنوع ولاني انسان مغرور

ياليت مابيني وبينك مسيره
وياليت مادونك حواجز ولاسور

وياليتني وياك لابعد وتيره
وياليت ماللوقت دوره ولايدور

وياليت ماعندي رفيق استشيره
ويقول ياسليمان في البعد مجبور

بس اذكريني بكل طاري وسيره
يالين مايقولو لك فلان؟ مقبور

واذا سمعتي عن وفاتي خبيره
ابكي علي شوي وانسيني دهور

وعيشي حياتك ياغزال الجزيره
وتذكري انسان لك مات مقهور

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر