صباح الخير يا أمي

صباح الخير يا ام(ن) جميله
صباح الورد واقصد به عليله

صباح(ن) ما يمر ألا وأذكر
ظلام أمسه علي واسود جديلة

عشقت الشعر واجمل ما كتبته
بيوت(ن) لج ولو أنها قليلة

أنام اليوم ما أقدر اقومه
ييمه حالتي حاله عليلة

عبيد ان جان تقدر قول لمّي
عجزت انام في هالبعد ليلة

أخاف الموت يا يمه يجيني
أوالاقدار تحكمني وأجيله

ييمه ما عرفت لكثر ماله
وهذا المال ما يرفع سهيله

يبي يشري خشوم(ن) ما قدرها
وينقدني بعد ما دست ذيله

وانا ما دست ذيله من نذاله
ولا أنكر فعول(ن) له جميله

أهو يبغى حياتي بالمذله
وانا مرضى بهالعيشه الذليله

لو ان الحظ دايم خايننا
لكِن خشومنا دايم طويله

ييمه ماحفلت ولا ذكرته
بدور غيره وبلقى بديلة

بديلة بن حريز الشاعر الّي
برز فيه الادب من بين جيله

وراشد منهو الّي مثل راشد
يخيطها الضواحي في مقيلة

وعبدالله النعيمي عند قوله
وبن ذيبان ذا مافيه حيله

ييمه غيره وغيره وغيره
وكل واحد وقف وقفه جزيله

ييمه لو تكوني شخص واحد
فعيني يمّه آشوفج قبيله