أحدن يغيب ولا حسبنا حسابه
وأحدن قطوع مقطع أربع ولا تاب
سؤال يالي تعرفون الإجابه
وش جمد الشمعه بعدعنقها ذاب
أجنون فكري ماتعرف الإجابه
واحيان لاوالله تفتح لها ابواب
ذربه ولوهي ماتعرف الذرابه
بس انها تاخذ من الخلق الاعجاب
أحيان هي والخيل فيها تشابه
هنا كلامي نفهمه حتى الاعراب
الوصل اشوفه قام يوخذ نهابه
في وقتنا الحالي وياكثر الاسباب
أحدن قريب ويدعي بالغرابه
وأحدًن بعيد ومنزله مثل الاقراب
والجرح سيف وكل كلمه نصابه
تحركه وتميله ماله أطباب
والشمعه إن ذابت بكتها الربابه
على الطروق اللي تزلزل بالالباب
تاه الكلام وموجزه يا عتابه
تلقون في عيني عن علومي كتاب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.