دمعــــة العيـــــن - عبداللطيف العوفي

الدمعه اللي حايره داخل العين
ياما اجتهدت لسترهاوفضحتني

جاهدتها بالعزم والحزم عامين
حاولت اروّضها وهي روضتني

والحظ طوعني وخلاني الين
صرت احسب حسابات ماربحتني

تعبت أساير عرف/ مبدا / قوانين
صارت حمولٍ كايده وارهقتني

والله يالو انه جهادٍ على الدين
لارضى لو اسباب الجهاد ذبحتني

لكنه جهادٍ بليا موازين
خضته وانا اعزل والجيوش هزمتني

تكفين يكفيني من الهم تكفين
ترى اسئلتك المحرجه بهذلتني

من كثر حبي ودي انك تهنين
حتى لو حظوظي معك ماانصفتني

يكفي غدا ثاري هدر بين عينين
يوم ان لوعات الزمن لوعتني

عينٍ رمتني عمد والناس سالين
والعين الاخرى جاهرت وكشفتني

روحي بامان اللي مكملك بالزين
لايضيع عمرك بالامل ناطرتني

روحي وقلبي معك مهما تروحين
وابقا هنا مرفوع راسي ومتني

عبداللطيف العوفي
© 2022 - موقع الشعر