يالله ياعلام

يا واحدٍ يرجى على كل الأحوال
يالله يا علاّم باحوال ناسِه

الحكم حكمه في الدراهم والآجال
يا من نصلّي له و نخشى لباسه

نرجوك يا مولاي تفرح لنا البال
ما من نصير لنا ولا هنا دساسه

واعواقنا ياتي بها خبر لاميال
الكلّ منّا يشتكي عوق راسه

ادرك عبادك فانت لا خافيك حال
إلطف بنا يا رب قبل الإياسه

واثر المدبّر واحد جلّ ما زال
نظن الاول حظنا بالسياسة

وحنا عباده نطلبه دوم و نسال
يدبّر الأشياء بحكمة قياسه

النور نورك ما تشا انت فعّال
يا سامعٍ لدعاي زح ذي الغلاسه

جهّال ما تملك من العقل مثقال
هذي سبب ناسٍ تكن النحاسه

ما شفت منهم واحدٍ عال أو مال
لو هم تربّوا بالأدب والسياسه

اتعرف ما يحتاي نشرح لك الحال
كلٍ يرى انه يستحق الرياسه

والعتب حقٍ لي إذا كنت أنا زال
و الرجل مثلك حاضراتٍ حواسه

بليّا سبب الاّ خراريف جهّال
أوحشتنا يا خلّ عقب الأناسه