قمر دنياي - عبدالله بن أحمد

لو تلتفت للي يحبك ويغليك
ما يرخصك لو راحت اليوم روحه

اطلب عيوني يا حبيبي وابعطيك
يفداك قلب عذبنه جروحه

يفز قلبي كل ما حل طاريك
وتبين فيه وجهي بشاير فروحه

لو غض عنك الطرف قلبي يناجيك
ويبدى فروحه لك ويبدي تروحه

أيا قمر دنياي سبحان باريك
منك القمر يخجل مجيه وروحه

والشمس حتى تختفي بين أياديك
هذا صحيح الشمس ما هو مزوحه

الكون كله ضاع يا منيتي فيك
وأنا رسمتك لأجمل الوصف لوحه

وترفقي يا بنت بعيون شاريك
دامك مني قلبه وغاية طموحه

© 2024 - موقع الشعر