وردة غلا - ماجد بن نويف

اغرب مسافات الطريق اللي سريت
واشد واقسى مالقيت بها الطريق

وردة غلا عاشت وحبن له جنيت
يانعنبو حبن يوردك الحريق

سبت جروحي من حبيبن له وفيت
وامسيت لجله في بحر حبه غريق

شلته على كف الأمان ومادريت
إنه على كف المهالك لي شفيق

رفعت قدره فوق لاكن مارأيت
قدري نفع بالعكس غدره له شقيق

لاشفت فرحه انبسطت واهتنيت
ولاشاف حزني فرحته ساوت طويق

سهرت لجله ماتهنيت المبيت
واهوه على همي وجرحي مايفيق

اثر الورود احيان تصبح شوك ميت
واثر الغلا يصبح بعد يفرحك ضيق

واثر المحبه لاغدة منك لقيت
نفسك وحيدن لارفيق ولاصديق

لوكان من حولك جموع والف بيت
لوكان من حولك قصورن من عقيق

يصبح سواد الكون شوفك لونويت
تضهر فرحك فبسمة الوجه الرقيق

غلاي يالي من محاجرك اكتويت
كن الحزن في وسط عنك لك عشيق

غريب طبعك من عذابي ماكتفيت
وأنا الذي لجروح قلبك استضيق

سلمتك عنان المحبه ماهقيت
ترمي فرس حبك على الدرب المعيق

بأطباعك الشينه عليت وارتقيت
يومن غيرك للتدني مايويق

عزي لقلبن شال حبن منه جيت
وصار السجين اللي بعد كونه طليق

وش بحتري وش عاد لوني احتريت
ماوالله اجني منك زهر ولارحيق

هبيت ياحبن نوى قهري هبيت
هبيت ياحبن مثل حبي عويق

اغرب مسافات الطريق اللي سريت
واشد واقسى مالقيت بهالطريق

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر