راح وتركي حي ... مع قلب مقبور - عبدالله الهاملي

ما كل من مثل يبي يضبط الدور
ولا كل من يسهر بليله حزيني

بعض البشر يضحك وفالصدر مقهور
وانا ان ضحكت احاول اخفي ونيني

باسباب عشق ٍ داخل القلب منثور
وشخص ٍ يساوي بالغلا نور عيني

راح وتركني حي .. مع قلب مقبور
وفي كل يوم اقول .. بكره يجيني

اثر المفارق ذنب ماهوب مغفور
واكبر ذنوبي راح ماحس فيني

كنت احسبه في درب ليلي كما النور
واثري مخّدوع ٍ فيه كل هالسنيني

لكن تصبر ياخفوقي وماجور
طعنه من اغلى الناس والله يعيني

الحب درب ٍ فيه اشواك وزهور
وانا وطيت الشوك ماهو بيديني

راحت بعد فرقاه ايام وشهور
والجرح ينزف والزمن مبتليني

صفن علي هموم وقتي بطابور
يارحمة الخلاق لا تتركيني

وما كل من يضحك مع الناس مسرور
شفني ضحكت احاول اخفي ونيني

واحاول اخفي جرح فالقلب محفور
خوفي من العذال لا تبتليني

مسموح يا جارح محبك ومشكور
على فعولك في خفوقي وفيني

© 2024 - موقع الشعر