عادي

قرّرت اكسّر ما بقى بي من احلام
وانسى ربيع الوقت وانسى حصادي

هذا انا عمري تعدّى مية عام
عشرين في خمسة مصايب وعادي

ما همّني هرج البشر طبعهم خام
كلن بِ أسلوبه عليك امتمادي

ليش اشغل افكاري وانا بضعة ايام؟
مكتوب لي انسى ويُنسى سوادي

الروح ماتت قبل ما عدّ ال سْهام
والنفس عافت منيتي والمرادي

ما عاد به شي(ن) يسبب لي إلهام
غير الجروح اتهدّني دون هادي

محدن كِمَل ادري وانا فيني اقسام
البعض ينقص والبعض منْه زادي

بس الطموح اللي تطاول به اكمام
غطّت على حلمه وضاع بْ سُهادي

واليوم انا قرّرت أكسّر بي احلام
ما عاد بنفع غرسها والحصادي

دام العمر كبّر فؤادي مية عام
عادي وعادي كلّ شي صار عادي !